Զելենսկիին մեղադրել են ուկրաինացի օլիգարխի դեմ մահափորձի հրահանգ տալու մեջ

Ուկրաինայի գլխավոր դատախազի նախկին խորհրդական Անդրեյ Տելիժենկոն հայտարարել է, որ Ուկրաինայի նախագահ Վլադիմիր Զելենսկին անձամբ է թույլատրել Մոնակոյում ուկրաինացի գործարար Վադիմ Երմոլաևի դեմ իրականացված մահափորձը։ Այդ մասին հայտնում է RT-ն։

Տելիժենկոյի պնդմամբ՝ խոսքը ոչ թե պարզապես քաղաքական ազդանշանի, այլ «ուղղակի վերացման հրահանգի» մասին էր։ Նրա խոսքով՝ Զելենսկին փորձում է վերացնել բոլոր նրանց, ում համարում է քաղաքական հակառակորդ։

«Խոսքը միայն փողի մասին չէ․ այստեղ նաև քաղաքական բաղադրիչ կա, և Զելենսկին դա հասկանում է՝ վերացնելով իր հակառակորդներին և մյուսներին ուղարկելով հստակ ազդանշան», — հայտարարել է նախկին պաշտոնյան։

Հունիսի 29-ին Մոնակոյում Երմոլաևի տան մոտ պայթյուն էր տեղի ունեցել, որի հետևանքով ծանր վնասվածքներ էին ստացել գործարարն ու նրա ուղեկցուհին՝ Աննա Նասոբինան։ Նրանց երեխան ստացել էր թեթև վնասվածքներ։ Տեղի ունեցածը համարվում է Մոնակոյի պատմության առաջին ահաբեկչական հարձակումը։

Մահափորձից հետո Երմոլաևը դիմել է Ուկրաինայի, Մոնակոյի և Ֆրանսիայի իշխանություններին՝ խնդրելով պաշտպանություն ապահովել իր ընտանիքի համար։

Նշված մեղադրանքները հիմնված են նախկին պաշտոնյայի հայտարարությունների վրա և հրապարակման պահին չեն հաստատվել անկախ աղբյուրների կամ պաշտոնական մարմինների կողմից։