Հայաստանն ու ՄԱԿ-ը քննարկել են խաղաղապահության և տարածաշրջանային անվտանգության հարցեր

Կայուն զարգացման հարցերով բարձր մակարդակի քաղաքական ֆորումի շրջանակում ՀՀ ԱԳ նախարարի տեղակալ Ռոբերտ Աբիսողոմոնյանը հանդիպել է ՄԱԿ-ի գլխավոր քարտուղարի՝ խաղաղությանն ուղղված գործողությունների գծով տեղակալ Ժան-Պիեռ Լակրուայի հետ։

Հանդիպման ընթացքում քննարկվել են Հայաստանի և ՄԱԿ-ի միջև խաղաղապահության և խաղաղաշինության ոլորտներում համագործակցության հարցերը, ինչպես նաև Հայաստանի մասնակցությունը ՄԱԿ-ի խաղաղապահ առաքելություններին։

Կողմերը մտքեր են փոխանակել միջազգային անվտանգության օրակարգի արդիական հարցերի, այդ թվում՝ Մերձավոր Արևելքում վերջին զարգացումների և առկա մարտահրավերների վերաբերյալ։

Ռոբերտ Աբիսողոմոնյանը նաև ներկայացրել է Հարավային Կովկասում խաղաղության ինստիտուցիոնալացման ուղղությամբ Հայաստանի ձեռնարկած քայլերը։