ԱՄՆ-ում միջատի չափի դրոն են ստեղծել

ԱՄՆ-ում գործող ստարտափը մշակել է միկրոդրոններ, որոնք կարող են օդում խոցել մոծակներին, գրում է Oddity Central-ը։

Y Combinator ընկերության աջակցությամբ ամերիկյան Tornyol ստարտափը մշակում է արհեստական բանականությամբ միկրոդրոններ, որոնք կարող են քաղաքային պայմաններում որսալ մոծակների։ Ինժեներների մտահղացմամբ, նման 40 գրամանոց սարքերի խմբերը կկարողանան խոցել միջատներին՝ փոխարինելով պայքարի քիմիական և թանկարժեք մեթոդները և 100 անգամ նվազեցնելով ծախսերը։

Ինժեներների վկայությամբ, դրոնները հագեցած են միկրոֆոններով, ուլտրաձայնային սենսորներով և հատուկ ծրագրային ապահովմամբ, հայտնում է gazeta.ru-ն։ Դրանք ուղարկում են ուլտրաձայնային ազդակներ և ընդունում արձագանքը, իսկ թևերի բնորոշ դոպլերյան ազդանշանի միջոցով տարբերակում են մոծակներին մյուս միջատներից։

Փորձագետները հույս ունեն, որ ապագայում նման 10 դրոն կկարողանա մեկ քառակուսի կիլոմետր տարածքը մաքրել մոծակներից։ Նախագիծը դեռ վաղ փուլում է, սակայն արդեն ուշադրություն է գրավել որպես մալարիայի և մոծակներով փոխանցվող այլ հիվանդությունների դեմ պայքարի պոտենցիալ հեղափոխական լուծում։