Զելենսկու խորհրդականը հերքել է Սիրսկու հնարավոր պաշտոնանկության մասին տեղեկությունները

Ուկրաինայի նախագահ Վոլոդիմիր Զելենսկու հաղորդակցության հարցերով խորհրդական Դմիտրի Լիտվինը հայտարարել է, որ Գերագույն գլխավոր հրամանատարի շտաբի նիստում չի քննարկվելու ԶՈւ գլխավոր հրամանատար Ալեքսանդր Սիրսկու փոխարինման հարցը։ Այս մասին հայտնում է «Страна.ua»-ն։

Լիտվինը նշել է, որ պատգամավոր Յարոսլավ Ժելեզնյակի տարածած տեղեկությունները չեն համապատասխանում իրականությանը։ Նրա խոսքով՝ այն պնդումը, թե շտաբի նիստում պետք է քննարկվի նոր գլխավոր հրամանատար նշանակելու հարցը, սխալ է։ Խորհրդականի խոսքով՝ նիստի հիմնական թեման լինելու են կորպուսների հրամանատարների կողմից ներկայացված մատակարարման և ապահովման հետ կապված հարցերը։

Հուլիսին Ուկրաինայում արդեն տեղի էին ունեցել փոփոխություններ պաշտպանության նախարարությունում․ Միխայիլ Ֆյոդորովը հեռացվել էր պաշտպանության նախարարի պաշտոնից։ «Украинская правда»-ն գրել էր, որ դրա պատճառներից մեկը Սիրսկու հետ երկարատև տարաձայնություններն էին՝ չբացառելով նաև գլխավոր հրամանատարի հնարավոր պաշտոնանկությունը։ Այդ ֆոնին մի շարք ուկրաինական քաղաքներում բողոքի ակցիաներ էին անցկացվել՝ պահանջելով վերականգնել Ֆյոդորովին պաշտոնում և պաշտոնանկ անել Սիրսկուն։