Հաղորդվել է Ռյազանի վրա հարձակման ժամանակ կիրառված անօդաչու թռչող սարքերի տեսակի մասին

Ռուսական «Архангел спецназа» Telegram-ալիքը պնդում է, որ Ուկրաինայի զինված ուժերը Ռյազանի և Ռյազանի մարզի վրա հարձակումների ժամանակ կիրառել են FP-1 տեսակի անօդաչու թռչող սարքեր։

Ռուսաստանի պաշտպանության նախարարության տվյալներով՝ հուլիսի 29-ի գիշերը հակաօդային պաշտպանության համակարգերը երկրի տարբեր շրջաններում խոցել են 295 ուկրաինական անօդաչու թռչող սարք, իսկ նախորդ օրվա առավոտից դրանց ընդհանուր թիվը հասել է 407-ի։ Ռյազանի մարզի նահանգապետ Պավել Մալկովը հայտնել է, որ հարձակման հետևանքով հրդեհներ են բռնկվել արդյունաբերական օբյեկտների տարածքներում։

Ըստ Telegram-ալիքի՝ FP-1 տեսակի անօդաչու սարքերը կիրառվել են երկու-երեք միավորից բաղկացած խմբերով։ Ավելի վաղ պաշտոնական աղբյուրները հայտնել էին, որ հարձակումների հետևանքով Ռյազանում և մարզում վեց մարդ է տուժել, որոնց կյանքին վտանգ չի սպառնում։