«Իմ կարգի մարդը նեղվո՞ւմ է»․ Միքայելյանը՝ ընտրության արդյունքների մասին

ԵԿՄ նախագահ Սասուն Միքայելյանը, ով առաջադրվել էր որպես ԱԺ Պաշտպանության և անվտանգության հարցերի մշտական հանձնաժողովի նախագահի թեկնածու, լրագրողների հետ զրույցում հայտնել է, որ ընտրության երկրորդ փուլ են անցել Արմեն Խաչատրյանն ու Վիլեն Գաբրիելյանը։

Անդրադառնալով այն հարցին, թե արդյոք չի՞ վրդովվել, որ չի ընտրվել, Միքայելյանը պատասխանել է. «Ոչ, իմ կարգի մարդը կարո՞ղ է նեղված լինել»։

Լրագրողի հարցին, թե քանի ձայն է ստացել, ԵԿՄ նախագահը նշել է, որ հստակ չի հետևել արդյունքներին, սակայն ընդգծել է, որ իրեն նույնպես աջակցող քվեարկողներ եղել են։