Սև և կապույտ հապալաս․ ինչո՞վ են տարբերվում և ո՞րն է ավելի օգտակար

Սև հապալասն ու կապույտ հապալասը հաճախ շփոթում են միմյանց հետ․ դրանք արտաքինից նման են, խանութներում հաճախ վաճառվում են կողք կողքի և երկուսն էլ օգտագործվում են սմուզիների, աղանդերի ու այլ ուտեստների պատրաստման համար։

Սովորաբար մարդիկ փորձում են դրանք տարբերել չափով և գույնով․ ավելի մանր ու մուգ հատապտուղը համարում են սև հապալաս, իսկ ավելի խոշոր և քաղցր պտուղը՝ կապույտ հապալաս։ Սակայն միայն արտաքին տեսքով տարբերակելը միշտ չէ, որ հնարավոր է։

Չնայած նմանությանը՝ այս երկու հատապտուղները տարբերվում են ոչ միայն համային հատկանիշներով, այլև օգտակար նյութերի բաղադրությամբ։ Թե որոնք են սև և կապույտ հապալասների հիմնական տարբերությունները, ինչպես ճիշտ տարբերել դրանք և դրանցից որն է ավելի օգտակար՝ ներկայացնում է «Գազետա.Ru»-ն։