Դրսից հեղափոխություն անելն անհնար է

– Երկրներն ու հասարակությունները տարբեր են. յուրաքանչյուրն անհատական մոտեցում է պահանջում,- ասում է Վաշնիգտոնի ԲՀՀ Եվրասիայի հարցերով քաղաքականության ավագ խորհրդատու Ջեֆ Գոլդսթայնը:

Ըստ նրա հեղափոխություններն արտաքին գործոնով պայմանավորված լինել չեն կարող, որ դա միայն տվյալ երկրի ժողովրդի ձգտումն է: Այս պնդումն այնքան էլ համոզիչ չի թվում, եթե հաշվի առնենք այն հանգամանքը, որ քաղաքական վերլուծաբանները  արաբական գարնան գլխավոր շահագրգիռ կողմը Միացյալ Նահանգներն են համարում:

Փորձագետների մեծամասնությունը հակված է հավատալ այն մտքին, որ ԱՄՆ-ն Միջին Արևելքի նոր քարտեզ է գծում: Ջ. Գոլդսթայնի այս համոզումն անշուշտ հիմք ունի, բայց մասնակիորեն: Սովորաբար հեղափոխություններով շահագրգռված են լինում հատկապես արտաքին ուժերը, որոնք էլ օգտագործում են տվյալ երկրի ներուժը` այսինքն հասարակությանը` հեղափոխություն իրագործելու համար: