Տնտեսական ստվերայնությունը օլիգարխիական խավի առկայությունն է

Հայրենական ապրանք արտադրողների միության նախագահ Վազգեն Սաֆարյանն այսօր վարվող տնտեսական քաղաքականության մասին լրագրողների հետ զրույցում ասաց.

  -Համաձայն Սահմանադրության կառավարությունն ԱԺ-ին արդեն ներկայացրել է  2012 թվականի բյուջեի նախագիծը:

Եկամուտները  6,8 %-ով ավել են անցած տարվանից: Արդյոք այդ բյուջետային համամասնությունները  մեզ կգոհացնեն: Բնականաբար դրանք հեռու են բավարար լինելուց: Մեր զարգացող երկրի համար համախառն ներքին արդյունքը պետք է կազմի 23-25 տոկոս, սակայն մեզ մոտ հաջորդ տարի դա կլինի ընդամենը 17,36 տոկոս: Դա վատ հարկահավաքության արդյունք է: Այսինքն համաշխարհային տենդենցներից մենք զգալիորեն հեռու ենք մնում: Սա մեծ ռիսկերի հետ կապված թիվ է, որովհետև Արժույթի միջազգային հիմնադրամն ու Համաշխարհային բանկը անընդհատ Հայաստանի ուշադրությունը հրավիրում են հենց այս ցուցանիշի վրա: Ունենք մեծ դիֆիցիտ: Բայց  անցած տարվանից դա նվազել է:

Սաֆարյանի կարծիքով այս երևույթը հղի է նրանով, որ այդ համաշխարհային կազմակերպությունները կարող են ոչ լիարժեք վարկավորում տալ, որովհետև մեր բյուջետային դիֆիցիտը 132,5 միլիարդ դրամ է: 

Իհարկե այս դիֆիցիտային գումարը նույնպես պետք է հայթայթել:

  -Մենք կառավարության հետ շարունակ երկխոսության մեջ ենք, որպեսզի  փոխվի  վարվող տնտեսական քաղաքականությունը: Այժմ մենք առաջնորդվում ենք Չիկագոյի հիմունքներով: Դա բացառում է տնտեսական ներդրումները, որոնք շատ քիչ են արվում, - ասում է Վազգեն Սաֆարյանը:

Ինչո՞ւ է պետք տնտեսության քաղաքականությունը կարգավորվի՝ քանի որ մեր տնտեսության զգալի մասը դեռ ստվերում է: Պետությունը բյուջետային առումով կունենա սոցիալական ուղղվածություն:  Օրինակ մեր թոշակառուները կստանան երեք հազար դրամ ավել թոշակ: Իրական ՀՆԱ ինդեքսը 0,4 տոկոսով նվազում է: Դա նշանակում է, որ առկա է տնտեսության ստվերայություն: Դա օլիգարխիական խավի առկայության արդյունքն է: