Կենսաթոշակները կբարձրանան

  Այսօր առավոտյան լրագրողների հետ հանդիպել ու վարվող տնտեսական քաղաքականության մասին է խոսել «Հայրենական ապրանք» արտադրողների միության ղեկավար Վազգեն Սաֆարյանը:

Նրա հաշվետվությամբ արդյունաբերությունը 2010 թվականին համախառն ներքին արդյունքի մեջ ունեցել է բավական բարձր ցուցանիշ՝  23,5 %: Այս տարի նույպես պիտի արդյունաբերությունը պահի համամասնությունը:

  -Կարծում եմ,որ 2011 թվականին արդյունաբերության մասնաբաշինը ՀՆԱ-ի մեջ կլինի 25%-ից ավելի: Եկող տարի այդ թիվն ավելի կբրձրանա, քանի որ վերջերս Էկոնոմիկայի նախարարությունը պատրաստվում է ապրանք արտադրողների միության ու Հանրային խորհրդի հետ քննարկել արտահանմանն ուղղորդված արդյունաբերական քաղաքական հայեցակարգը: Դա կկանոնավորի մեր տնտեսության հիմնական ճյուղի գործառույթները. պետություն, մասնավոր ընկերություններ: Հարաբերություններն ու համամասնությունները կկարգավորվեն:  1997 թվականին Արժույթի միջազգային հիմնադրամի ու Համաշխարհային բանկի Հոնգկոնգում առաջադրված այս համակարգին են հետևել եվրոպական մի շարք պետություններ:

Վազգեն Սաֆարյանը պարզաբնեց, որ այս թեզերը մեզ մոտ դեռ չեն հասել ու պայքարն էլ հենց դա է:

  -Մենք այս հարցերի կարգավորման մեջ պետության դերը համարում ենք քիչ: Սակայն պաետությունն է, որ պետք է կարգավորի տնտեսական դաշտը: Հասարակության մեջ այսօր մի զգալի մաս ընկած է ստվերում /իսկ դա անգամ իշխանությունները չեն էլ թաքցնում/ապա նման գործառույթներն իր վրա է վերցնելու պետությունը: 3,7 մլրդ դոլարի ապրանք Հայաստանը ներմուծել, իսկ 1 մլրդ դոլարի՝ արտահանել է: Կարծում եմ սա հավասարակշռության մեծ խախտում է: Պետությունը պետք է որոշ ապրանքատեսակների տա ստրատեգիական կարգավիճակ: Պետք է ստեղծվի առևտրային կապիտալ ու այն տեղաբաշխի տնտեսության ճյուղեր:

Ըստ Վազգեն Սաֆարյանի ՝ հաջորդ տարի տնտեսության վարումը ավելի շատ սոցիալական ուղղվածության է լինելու: Հուրախություն մեզ՝ թոշակառուները կստանան 3000 դրամով ավել թոշակ և 2700 դրամով ավելի նպաստ: