Օլանդը Պուտինի հետ կքննարկի Ուկրաինայում տիրող իրավիճակը

Ֆրանսիայի նախագահ Ֆրանսուա Օլանդն առաջարկել է Ռուսաստանի նախագահ Վլադիմիր Պուտինին երկկողմ հանդիպում անցկացնել Նորմանդիայում, որտեղ հունիսի 6-ին միջոցառումներ են` պատերազմի ժամանակ դաշնակիցների վայրէջքի 70-ամյակին նվիրված: Այս մասին հայտնում է ria.ru-ն:

«Ես հունիսի 6-ին հրավիրել եմ ռուս նախագահին, և մենք մտադիր ենք խորհրդակցություններ անցկացնել, այդ թվում` Ուկրաինայի իրավիճակի վերաբերյալ»,- Օլանդի խոսքն է մեջբերում «Ֆրանս Պրեսսը»: 

Ավելի վաղ Պուտինը հայտարարել էր Օլանդի հետ հնարավոր հանդիպման մասին: