Արտերկրում ես աշխատել եմ որպես լրտես. Սնոուդեն

Ամերիկյան NBC հեռուստաալիքին տված հարցազրույցի ժամանակ ԱՄՆ հատուկ ծառայությունների նախկին աշխատակից Էդվարդ Սնոուդենը հայտնել է, որ իրեն պատրաստել են որպես լրտես, ով պետք է քողարկման ներքո գործունեություն ծավալեր արտերկրում, և ոչ թե պարզապես սովորական համակարգային ադմինիստրատոր, ինչպես որ փորձում են ներկայացնել ԱՄՆ-ի իշխանությունները: Այս մասին հայտնում է itar-tass-ը:

«Ինձ որպես լրտես են պատրաստել, այսինքն` ես քողարկված ապրել և աշխատել եմ արտասահմանում` ցույց տալով, թե կատարում եմ մի աշխատանք, որն իրականում չէի անում և անգամ այլ անվամբ էի ներկայանում»,- հայտնել է Սնոուդենը:

Սնոուդենն ասել է նաև, որ լինելով համակարգչային տեխնոլոգիաների մասնագետ` ինքը հանձնարարություններ էր կատարում ԱՄՆ կառավարության համար, այդ թվում` նա գործում էր որպես ԿՀՎ-ի և Ազգային անվտանգության գործակալության գաղտնի գործակալ: