Մայդանը հրաժարվում է ցրվել, քանի դեռ չեն կատարվել նրա բոլոր պահանջները

Մայդանի հասարակական կազմակերպությունների և ընկերակցությունների ներկայացուցիչները հռչակագիր են հրապարակել 2014 թվականի մայիսից հետո նրա զարգացման վերաբերյալ: Նրանք արդեն որերորդ անգամ ընգծել են, թե չեն ցրվելու, քանի դեռ չեն կատարվել իրենց բոլոր պահանջները: Այդ մասին, ինչպես տեղեկացնում է «Ուկրինֆորմ»-ը, հայտնել է «Մայդան-մամուլի կենտրոնի» համակարգող Նատալյա Սոլովյովան:

«Մենք ներկայացնում ենք կազմակերպություններ, որոնք ոչ միայն պարզապես ֆիզիկապես ներկա են հրապարակում, այլև նրանք, որոնք մտադիր են պահպանել Մայդանի ոգին, առաջարկությունների, զարգացման և Ուկրաինայում փոփոխությունների վերահսկման ոգին… Մայդանը չի ցրվելու, քանի դեռ չեն կատարվել նրա պահանջները՝ հանցագործներին պատժելը, իլյուստրացիան, իշխանության համակարգի փոփոխման համար օրենքների փաթեթի ընդունումը, քանի դեռ սահմանադրական կարգ չի հաստատվել գրոմադաների մասով, չեն պատժվել զանգվածային սպանությունների համար մեղավորները, Կիևի տարա ծքային գրոմադա չի ստեղծվել ինքնակառավարման հարցով»,-ասել է Նատալյա Սոլովյովան:

Նա նաև հավելել է, որ «ֆիզիկական Մադանը» պետք է պահպանվի ու բարեկարգվի:

Միևնույն ժամանակ Մայդանի հոգևոր խորհրդի ներկայացուցիչ Ալեքսանդր Կրիվոնոսովն հայտարարել է, որ քաղաքական գործիչները չպետք է ցրեն Մայդանը: «Մենք գտնում ենք, որ Մայդանը քաղաքական գործիչները չեն ստեղծել, և նրանք չէ, որ պետք է ցրեն այն: Մայդանը կանգնած կլինի այնքան ժամանակ, քանի դեռ չեն կատարվել մեր պահանջները և քանի դեռ ներկայիս իշխանությունը չի անսացել մեր ձայնին», - ասել է Կրիվոնոսովը: