Պայթյուն է որոտացել ճապոնական լցանավում, նավապետն անհայտ կորել է

Ճապոնական լցանավում պայթյուն է որոտացել երկրի արևմուտքի Հիմեձի նավահանգստի ջրատարածքում, յոթ մարդ տուժել է, նավապետը համարվում է անհայտ կորած: Այդ մասին մայիսի 29-ին հաղորդել է France-Presse գործակալությունը:

Միջադեպը տեղի է ունեցել տեղական ժամանակով ժամը 9:25-ին (Երևանի ժամանակով ժամը 2:25-ին) Հոնսյու կղզու մոտ: «Սյոկո-մարու» լցանավը, որի երկարությունն 80 մետր է և ջրատարողությունը՝ 988 տոննա, պայթյունի պահին եղել է դատարկ, նավի վրա կատարվում էին մաքրման աշխատանքներ: «Լցանավը մազութը բեռնաթափել է Հյոգոյի պրեֆեկտուրայի նավահանգիստներից մեկում և միջադեպի պահին գործնականում դատարկ է եղել»,- հայտարարել է Syoho Shipping ընկերության ներկայացուցիչը, որին պատկանում է նավը:

Նա հայտնել է, որ անձնակազմի ութ անդամներից յոթը փրկված են, նրանցից չորսը լուրջ այրվածքներ են ստացել և արդեն տեղափոխվել են հիվանդանոց: Մնացածներին փրկարարները ցույց են տվել առաջին օգնությունը: Նավապետի ճակատագրին առայժմ անհայտ է:

Ներկայումս պատահարի հանգամանքները պարզվում են: Միջադեպից հետո Ճապոնիայի վարչապետ Սինձո Աբեն խորհրդարանում ընդհատել է ելույթը, որպեսզի հեռուստատեսությամբ հայտնի ողբերգության մասին, հաղորդել է ՌԻԱ Նովոստին: