10 ամենահայտնի միֆերը` ինքնաթիռների մասին (լուսանկարներ)

Չնայած մարդատար ինքնաթիռների կատարելագործմանն ու զարգացմանը` նույնիսկ ամենահարմարավետ և թանկարժեք ինքնաթիռներով իրականացվող թռիչքները դեռ շարունակում են վտանգ ներկայացնել մարդկանց առողջության և հոգեբանության համար: Այս ամենը հանգեցրել է նրան, որ մարդիկ սկսել են առասպելներ և հեքիաթներ հորինել ինքնաթիռների մասին:

1. Թռիչքի ընթացքում պատահաբար բացված դուռը ներկայացնում է մահացու վտանգ

Ըստ էության, այս վարկածը ճիշտ է, սակայն օդանավի դռները բացել թռիչքի ընթացքում, հնարավոր չէ, լավագույն դեպքում դա կարող է իրականացնել «Սուպերմենը»: Եթե երբևէ ուղևորներից որևէ մեկի մոտ ցանկություն առաջանա բացել դուռը, ապա դա կառաջացնի ընդամենը աղմուկ և իրարանցում, քանի որ նման բան անհնար է։ Դռների մեջ տեղադրված է ներկառուցված բարոմետրիական ռելե, որը թռիչքի ժամանակ ուղեփակում է դուռը և այն բացել պարզապես հնարավոր չէ։

2. Ուղևորները կարող են «դուրս քաշվել» օդանավից դեպի երկինք, եթե ինքնաթիռում լինի նույնիսկ ամենափոքր անցք

Օդանավում բացված ամենափոքր անցքից եկող օդը կարող է ուղևորներին «դուրս քաշել»: Ինքնաթիռի վրա անցք կարող է առաջանալ, օրինակ, հրաձգության ժամանակ, սակայն մինչև դեկոմպրեսացիայի առաջացումն անձնակազմը ժամանակ կունենա` անհրաժեշտ միջոցներ ձեռնարկելու և ուղևորներին փրկելու համար: 

Սակայն, այս դետեկտիվ սցենարով միջադեպը հուսով ենք` ոչ մեկի հետ չի պատահի:

3. Ալկոհոլը բարձրության վրա ավելի արագ է ազդում օրգանիզմի վրա

Ամերիկյան հայտնի գիտահետազոտական կենտրոնը` «MythBusters»-ը, հատուկ «գիտափորձ» է անցկացնել, որպեսզի ստանա տվյալներ, ինչպես իրենք են ասում, հենց «առաջին ձեռքից»: Փորձագետներն ուսումնասիրությունների արդյունքում ապացուցել են, որ դա չի համապատասխանում իրականությանը: Արյան մեջ ալկոհոլի մակարդակը թե′ գետնին և թե′ բարձրության մեջ, նույն է: Սակայն, երբեմն մարդիկ, ովքեր սովոր չեն թռչելուն, կարող են տհաճ զգացողություն ունենալ, եթե մինչ թռիչքն օգտագործել են ալկոհոլային որևէ խմիչք:

4. Զուգարաններում հայտնվող «պարունակությունները» բաց են թողնվում հենց օդում

Այս ամենը կատարյալ հորինվածքներ է: Ժամանակակից ինքնաթիռներն իրենց զուգարանները մաքրում են միայն վայրէջքից հետո:

5. Եթե դուք սեղմեք ջրի սեղմակը, երբ օգտվում եք ինքնաթիռի զուգարանից, ապա կարող եք խցանվել այնտեղ

Սա նույնպես անհեթեթություն է: Նույնիսկ շատ գեր մարդն ի վիճակի չէ իր մարմինը տեղավորել այդ հերմետիկ խողովակում: Այսպիսով ոչ գեր և ոչ էլ նիհար մարդը չի կարող հայտնվել նման իրավիճակում:

6. Ինքնաթիռի սրահում շրջանառվող օդը հանգեցնում է վարակիչ հիվանդությունների տարածմանը

Ինքնաթիռի սրահը, իհարկե, հերմետիկորեն փակված տարածություն է, սակայն ինքնաթիռը սուզանավ չէ, և օդն այնտեղ մշտապես թարմացվում է: Նախքան մյուս թռիչքը, օդը պարտադիր թարմացվում է հատուկ ֆիլտրային համակարգի միջոցով: Մասնագետները միշտ էլ տեղեկացնում են, որ ինքնաթիռները հատուկ ֆիլտրացիա են անցնում, որը վնասազերծում է օդն 99%-ով: Ոչ ոք ոչնչից ապահովագրված չէ, բայց այդքան էլ պետք չէ սարսափի վերածել այս շրջանառվող հորինվածքը:

7. Ամրագոտին կարող է խանգարել ողջ մնալ վթարի ժամանակ:

Իհարկե, կա հավանականություն, որ մարդը չի կարող արագ լքել ինքնաթիռն` ամրագոտու առկայության դեպքում: Սակայն այն հավանականությունը, որ մարդը ողջ կմնա շնորհիվ այս ամրագոտու, անհամեմատ ավելի մեծ է: Այս պաշտպանիչ գործոնի նախագիծը մշտապես թարմացվում և բարելավվում է. կան բազմաթիվ հետազոտություններ, որոնք հաստատում են այս ամրագոտու արդյունավետությունը և այս վարկածն ու կարծիքը խելագարություն է:

8. Օդաչուները կարող են նվազեցնել թթվածնի քանակն օդանավում

Օդաչուները կարող են նվազեցնել թթվածնի քանակը օդանավում' ուղևորներին քնկոտ վիճակում պահելու համար: Այդ հարցին բոլոր օդաչուները պատասխանել են՝ ասելով, որ դա անհեթեթություն է:

9. Թթվածնային դիմակներն իրական չեն

Թթվածնային դիմակներն իրական չեն և նախագծված են խուճապը կանխելու համար: Դա ևս մտացածին է: Այնուամենայնիվ, երբ դեմքի առաջ հայտնվում են թթվածնային դիմակները, այն պետք է կրել շատ արագ և առանց մտածելու: Թթվածնային քաղցը զարգանում է շատ արագ տեմպերով և հանգեցնում է շնչառության հաճախացման:

10. Ավիավթարից փրկվել պարզապես անհնար է

Եղել են բազմաթիվ դեպքեր, երբ տարբեր իրավիճակներում մարդիկ փրկվել են: Այսօր շատ հաճախակի են տեղեկություններ ստացվում ինքնաթիռների վթարների մասին: Սակայն ԱՄՆ-ի Ազգային խորհրդի տրանսպորտի անվտանգությունն, ըստ վիճակագրական հետազոտությունների, պնդում է, որ 1983-ից մինչև 2000 թվականը տեղի ունեցած ավիավթարների ընթացքում ուղևորների 95%-ը ողջ է մնացել: