Սիրիայի բոլոր դպրոցներում ռուսերենի ուսուցումը պարտադիր կլինի
Աշխարհ
Սիրիայի բոլոր դպրոցներում պարտադիր կուսուցանվի ռուսաց լեզուն: Ինչպես հաղորդում է ռուսական ԻՏԱՌ-ՏԱՍՍ գործակալությունը, այս մասին մայիսի 29-ին հայտարարել է Միջազգային համագործակցության ռուսական միության ղեկավար Սերգեյ Ստեպաշինը:
«Ռուսաստանի փոխվարչապետ Դմիտրի Ռոգոզինի վերջերս Սիրիա կատարած այցելությունից հետո, Սիրիայի ղեկավարությունը որոշում է ընդունել բոլոր դպրոցներում ռուսերենի պարտադիր ուսուցման մասին»,- նշել է Ստեպաշինը: Նրա խոսքով' Սիրիան Ռուսաստանի համար մշտապես ոչ միայն եղել է դաշնակից, այլև Մերձավոր Արևելքում ՌԴ իսկական ֆորպոստը:
Աղբյուրը նաև տեղեկացնում, է որ Եվրամիությունը մինչև 2015թ.-ի հունիսը երկարաձգել է Սիրիայի նկատմամբ տնտեսական պատժամիջոցներ կիրառելու ժամկետը: Այս անգամ սիրիացի պաշտոնատար և հեղինակավոր անձնանց «սև ցուցակը», որում ընդգրկվել է 126 մարդ, նաև' Սիրիայի Նախագահ Բաշար ալ Ասադը և նրա ընտանիքի անդամները, չի ընդլայնվել:
ՈՒՂԻՂ ԵԹԵՐ
Ամենադիտված 
Բացահայտվել է 1958-ին անհետացած հինգ հոգանոց ընտանիքի առեղծվածը
