Ռամզան Կադիրովը հայտնել է, որ Ուկրաինայում չեչեն զինվորներ կան

Չեչնիայի ղեկավար Ռամզան Կադիրովը, ով ավելի վաղ կտրականապես հերքում էր Չեչնիայից ներգաղթածների մասնակցությունն Ուկրաինայի զինված հակամարտությանը, խոստովանել է, որ Դոնեցկի մարզում իսկապես չեչեններ կան: Սակայն, նրա խոսքով, նրանք այնտեղ ընդամենը 14 հոգի են: Այս մասին հայտնում է itar-tass-ը:

«Ես մեկ անգամ չէ, որ հայտարարել եմ և հիմա էլ ասում եմ, որ ուկրաինական ԶԼՄ-ները հայտարարություններն այն մասին, որ չեչենական հատուկ ստորաբաժանումները գտնվում են Դոնեցկում, դա բացարձակ սուտ է»,- ասել է Կադիրովը:

Կադիրովը խոստովանել է, որ Դոնեցկի մարզում գտնվող Չեչնիայի քաղաքացիների շարքում կորուստներ էլ կան. մեկ մարդ զոհվել է, ևս 4 հոգի վիրավորվել են: