Կիևում ակտիվիստները ողջունել են Կլիչկոյի` Գերագույն ռադայում արտահերթ ընտրություններ անցկացնելու առաջարկը

Ուկրաինայի մայրաքաղաք Կիևի Ազատության հրապարակում անցկացվող ժողովրդական հավաքի մասնակիցները հավանություն են տվել «Ուդառ» կուսակցության ղեկավար, Կիևի քաղաքապետի ընտրությունների առաջատար Վիտալի Կլիչկոյի' Գերագույն ռադայում արտահերթ ընտրություններ անցկացնելու մասին առաջարկին:

Ինչպես տեղեկացնում է «ԻՏԱՌ-ՏԱՍՍ»-ը, Կլիչկոն ելույթ է ունեցել հրապարակում հավաքված մի քանի հազար ակտիվիստների առջև: Նա մասնավորապես ասել է, որ «մայդանը կատարել է իր դերը, դիկտատորը հալածված է, երկրում կայացել են նախագահւ ժողովրդավարական ընտրություններ»: Ակցիայի մասնակիցներն այս հայտարարությունն ընդունել են «Ամոթ» վանկարկումներով:

Ակտիվիստները միտինգի մասնակիցներին կոչ են արել չլքել հրապարակը: «Մենք այստեղ հավաքվել ենք իշխանությունը փոխելու համար: Բայց նման փոփոխություններ մենք դեռևս չենք տեսնում: Մայդանը դեռ պետք է մնա, քանի որ մենք մեր նպատակին դեռևս չենք հասել»,-հայտարարել են ակցիայի մասնակիցներ: