ՌԴ-ի Մուրմանսկի մարզում փրկարարները դուրս են բերել ուղղաթիռի աղետի հետևանքով զոհվածների 12 մարմին
Ռուսաստան
Մուրմանսկի մարզի Տերսկի շրջանում ջրասուզակները լճի հատակից դուրս են բերել հունիսի 1-ին Մի-8 ուղղաթիռի աղետի հետևանքով զոհվածների 12 մարմին: Այդ մասին հունիսի 2-ին «Ինտերֆաքսին» հայտնել են տարածաշրջանի արտակարգ իրավիճակների նախարարությունում:
Շարունակվում է ևս չորս մարդու որոնումը, որոնք գտնվել են ուղղաթիռում:
Մի-8-ը, որը փոխադրում էր բարձրաստիճան պաշտոնյաների և գործարարների, լիճն է ընկել հունիսի 1-ի վաղ առավոտյան: Երկու տուժածի հաջողվել է փրկվել:
Նախնական տվյալներով՝ ուղղաթիռում եղել են մարզի ղեկավարի տեղակալ Սերգեյ Սկոմորոխովը, Մուրմանսկի մարզի բնական պաշարների և բնապահպանության նախարար Ալեքսեյ Սմիռնովը, «Ավիտ-սերվիս» սահմանափակ պատասխանատվությամբ ընկերության տնօրեն Ալեքսանդր Կիսելյովը, «Ապատիտ» բաց բաժնետիրական ընկերության գլխավոր տնօրենի տեղակալ Կոնստանտին Նիկիտինը, «Ապատիտ» ԲԲԸ-ի գլխավոր տնօրեն Ալեքսեյ Գրիգորևը և ուրիշներ:
ՈՒՂԻՂ ԵԹԵՐ
Ամենադիտված 
Վենսը Բաքվում կատակել է Մեհրիբան Ալիևայի մասին
