«Գահից հրաժարումը խորթ է բրիտանացի միապետերի ավանդույթներին». Եղիսաբեթ Բ թագուհի

Մեծ Բրիտանիայի Եղիսաբեթ Բ թագուհին պաշտոնապես չի մեկնաբանել գահից Իսպանիայի թագավորի հրաժարվելու վերաբերյալ նորությունը: Այնուամենայնիվ, մասնավոր կարգով Լոնդոնում հայտնում են Մեծ Բրիտանիայի միապետի կարծիքը, որի համաձայն նա հայտարարել է, թե «այնպիսի քայլեր, ինքպիսին գահից հրաժարումն է, մեր ավանդույթների մեջ չի մտնում»:

Իր գահը որդուն հանձնելու Խուան Կառլոս Ա-ի որոշման մասին հաղորդումը Մեծ Բրիտանիայում ստացվել է հունիսի 2-ին, երբ բրիտանական արքայական ընտանիքը նշելիս է եղել Եղիսաբեթ Բ-ի թագադրման 61-րդ տարեդարձը: «Նորությունը հայտնվել է շատ անպատեհ ժամանակ»,- նշում են պալատական շրջանները:

Հայտնի է, որ Եղիսաբեթ Բ-ն խիստ բարցասաբար է վերաբերվում միապետերի կողմից գահից կամավոր հրաժարմանը: Ինչպես նշել է բրիտանացի պատմաբան Հուգո Վիքերսը, «նրան զայրացրել է» 1980 թվականի գարնանը գահից Նիդեռլանդների Յուլիաննա թագուհու հրաժարումը: «Միապետերն այդպես չպետք է վարվեն»,- ասել է Եղիսաբեթը, հաղորդել է ԻՏԱՌ-ՏԱՍՍ-ը: