Ժողովրդավարության ապագան ու քաղաքացիական հասարակությունը

Բաց Հասարակության հիմնադրամներ ինստիտուտի կազմակերպած «Ինչ ապագա ունի ժողովրդավարությունը և քաղաքացիական հասարակությունը» եռօրյա միջազգային համաժողովը մեկնարկեց հոկտեմբերի 6 – ին Անի Պլազա հյուրանոցում:

Համաժողովի ժամանակ բանախոսները կքննարկեն ժողովրդավարական կառավարման, հանրային շահի պաշտպանությունում հասարակության դերի, ժողովրդավարության և եվրոպական ինտեգրացիայի, ինչպես նաև մարդու իրավունքների առաջխաղացմանն ուղղված քայերի, հասարակության և կառավարության միջև օրեցօր աճող բևեռացման և այլ թեմաներիշուրջ:

-20 տարի առաջ կային ժողովրդավար և չժողովրդավար երկրներ: Այսօրվա ժողովրդավարության մոդելներն ավելի բարդ են. Եթե նախկինում մենք կարող էինք հստակ սահմանել , թե որն է ժողովրդավարական և որը ոչ, ապա այսօր դա շատ բարդ խնդիր է իրենից ներկայացնում,- ասաց Նյու – Յորքի ԲՀՀ – ի միջազգային ծրագրերի հարցերով փոխտնօրեն Ռայա Գավրիլովնան:

 Այսօրվա քաղաքական համայնապատկերն այլ է: Ընտրությունները եթե ճանաչվում  են որպես ազատ ընտրություններ, անկախ տեղ գտած թերություններից, դեռ չի նշանակում, որ այդ ընտրությունների արդյունքում իշխանության եկած կառավարությունն օրինական է համոզված է Ռ. Գավրիլովնան:

Այսօր տարածված տենդենց է` բարեփոխումներով փորձում են բարելավել ժողովրդավարությունը: Նմանատիպ կառավարությունները հետևում են ժողովրդավարության միայն արտաքին տեսքի պահպանմանը` քիչ քննադատվելու և իսկապես բարեփոխվելու ճնշումներից  զերծ մնալու համար. դա հատուկ է հատկապես բռնապետական կամ դիկտատորական կառավարման համակարգերին:

Համաժողովի մասնակից, Վաշինգթոնի ԲՀՀ Եվրասիայի հարցերով քաղաքականության ավագ խորհրդատու Ջեֆ Գոլդսթայնն իր ելույթում անդրադարձավ տնտեսական ճգնաժամի հետևանքով արաբական գարնան առաջացմանը:

_ Տնտեսական գործոնները նպաստել են արաբական գարնան ծաղկմանը. սակայն նույն տնտեսական գործոններն էլ բարդացնելու են երկրի տնտեսական բարելավման գործընթացը,- ասում է Ջ. Գոլդսթայնը:

Նա անադրադարձավ բազմաթիվ քաղաքական վերլուծաբանների այն տեսակետին, ըստ որի արաբական գարունը ԱՄՆ –ի կողմից Միջին Արևելքի քարտեզն ամբողջությամբ ձևափոխելու հետևանքն է: Նա ժխտեց այդ տեսակետն ասելով, որ դրսից հեղափոխություններ կազմակերպելն անհնար է, և որ այդտեղ գործում է միայն այդ երկրների ժողովուրդների  գործոնը:

-Հեղափոխություն իրականացնող հասարակությունը սկսում է մտածել, որ նույն ձևով կարելի է փոխել նոր իշխանություններին, եթե վերջիններս չարդարացնեն իրենց սպասելիքները: Սա հանգեցնում է հեղափոխությունների անընդհատ ցիկլի,- ասում է Լոնդոնի ԲՀՀ Լրատվամիջոցների ծրագրի տնօրեն Գորդանա Յանկովիչը:

Վերջինս անդրադարձավ նաև ինտերնետի վերահսկողությանը, ինչը ըստ նրա մեդիայի գործառույթներից  դուրս է:  Այսօր ինտերնետային լրատվամիջոցները ժուռնալիստիկան տանում են դեպի քաղաքացիական ժուռնալիստիկայի  ստեղծման դաշտ: Վերջին ժամանակներս ի հայտ է եկել քաղաքացիական ժուռնալիստիկա ասվածը, երբ բլոգերների միջոցով տեղի է ունենում փոփոխություններ և քաղաքական բանավեճն ընդալյնելու նոր ձևեր են ի հայտ գալիս:

Համաժողովի արդյունքների ամփոփումն ու փակումը տեղի կունենա ԱՆի Պլազա հյուրանոցում հոկտեմբերի 8-ին: