Զոհված ուղևորի մարմին է հայտնաբերվել «Սևոլի» խորտակման վայրից 35 կիլոմետր հեռավորության վրա
Աշխարհ
Հարավային Կորեայի ափերի մոտ «Սևոլ» մարդատար լաստանավի խորտակման հետևանքով զոհվածների թիվը հասել է 289-ի այն բանից հետո, երբ հունիսի 5-ին Դեղին ծովի ջրերում՝ ողբերգության վայրից 35 կիլոմետր հեռավորության վրա հայտնաբերվել է ուղևորի մարմին:
44-ամյա ուղևորի մարմինը գտնվել է նավաբեկությունից հետո կորածների երկշաբաթյա որոնումներից հետո, ևս 15 մարդ նախկինի պես համարվում է անհայտ կորած: Ենթադրաբար, մարմինը նավաբեկության վայրից քշել-տարել է հոսանքը: Նման միջադեպերը կանխելու համար փրկարարները լրացուցիչ ցանցեր են տեղադրում լաստանավի շուրջը:
Ըստ գործակալության տվյալների՝ փրկարարները կարող են օգտագործել հատուկ ամբարձիչ՝ ջրասուզ եղած լաստանավը բարձրացնելու համար: Սակայն այդ պլանը պետք է ստանա աղետի զոհերի հարազատների հավանությունը, նշել է գործակալությունը:
«Սևոլ» մարդատար նավը, որի վրա եղել է 476 մարդ, նավաբեկության է ենթարկվել ապրիլի 16-ին Հարավային Կորեայի հարավարևմտյան ափի մոտ: Նավի խորտակման գործով ձերբակալվել է շուրջ 20 մարդ՝ «Չոնհեչժին» ընկերության աշխատակիցներ, անձնակազմի անդամներ և Հարավային Կորեայի նավագնացության ասոցիացիայի աշխատակիցներ՝ անվտանգության կանոնների խախտման և կոռուպցիայի կասկածանքով, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
