Պորոշենկոն 3 ամսում կկարգավորի երկրում տիրող ճգնաժամը

Ուկրաինայի նորընտիր նախագահ Պյոտր Պորոշենկոն մտադիր է երկրում ստեղծված ճգնաժամային իրավիճակը կարգավորել 3 ամսվա ընթացքում: Այս մասին հայտնում է ria.ru-ն՝ վկայակոչելով Коммерсант-ը:

Պորոշենկոն մտադիր է ներկայացնել խաղաղության ծրագիրը, որը միտված է լուծել Ուկրաինայում տիրող իրավիճակը և կառաջարկի զանգվածային համաներում իր երդման արարողության  ընթացքում:

Խաղաղության ծրագիրը ենթադրում է նաև արտահերթ ընտրությունների անցկացում տեղական ինքնակառավարման մարմիններում և ուժի ապակենտրոնացում։

«Վերափոխումների իր ծրագրի շնորհանդեսից անմիջապես հետո նախագահը նոր կարգավիճակում իր առաջին ուղևորությունը կկատարի Դոնբաս»,- հրատարակությանը հայտնել են Պորոշենկոյի շրջապատում:

Ուկրաինայի նորընտիր նախագահի երդմնակալությունը տեղի կունենա հունիսի 7-ին: