Այսօր կկայանա Պորոշենկոյի երդմնակալության արարողությունը

Հունիսի 7-ին, Գերագույն ռադայում կկայանա Ուկրաինայի նորընտիր նախագահ Պյոտր Պորոշենկոյի երդմնակալության արարողությունը: Այս մասին հայտնում է ria.ru-ն:

Հունիսի 7-ին պաշտոնապես իր լիազորությունները կստանձնի Ուկրաինայի 5-րդ Նախագահ Պյոտր Պորոշենկոն:

Քառասունութամյա «շոկոլադի արքան» երկրի ղեկավարումն ստանձնում է բավական բարդ պայմաններում և խոստանում՝ պրագմատիկ քայլերի շնորհիվ երկիրը դուրս բերել ճգնաժամից:

«Այս պահի դրությամբ հաստատված է 56 օտարերկրյա պատվիրակությունների մասնակցությունը, որոնցից 23-ը` պետությունների, կառավարությունների, խորհրդարանների ղեկավարների և միջազգային կազմակերպությունների ղեկավարների մակարդակով»,- հայտնել են Ուկրաինայի ԱԳՆ-ում:

Ուկրաինայի նախագահ Պյոտոր Պորոշենկոյի երդմնակալության արարողությանը Հայաստանի պատվիրակությունը կգլխավորի  ՀՀ կրթության և գիտության նախարար Արմեն Աշոտյանը:

Երդմնակալության արարողության ժամանակ անվտանգությունը կապահովեն ուկրաինական իրավապահ մարմինների 3300 աշխատակիցներ: