Թուրքիայի քաղաքականությունը տարածաշրջանում և թուրք - հայկական հարաբերությունները
Վերջին լուրեր
–Թուրքիան հայ-թուրքական հարաբերություններում ոչ մի քայլ չի անում, քանի որ իր արտաքին քաղաքականությունը բավականին հագեցած է,- հոկտեմբերի ութին տեղի ունեցած ասուլիսի ժամանակ ասաց թուրքագետ Լևոն Հովսեփյանը:
Մերձավոր Արևելքում Թուրքիայի ակտիվությունը և Իսրայելի հետ լարված հարաբերությունների կոնտեքստում Թուրքիայի համար հայ–թուրքական հարաբերությունները մղվել են հետին պլան:
Մերձավոր Արևելքում Թուրքիան ներկայացնում է ԱՄՆ–ի շահերը:
–Ակնհայտորեն Թուրքիան Արևելքի հետ ինչ – որ գործարքի մեջ է մտել, ու նրան թույլ են տվել Մերձավոր Արևելքում որոշակի ակտիվություն դրսևորել, սակայն ակնհայտ է, որ Թուրքիան կփորձի իր շահերն ու սեփական ծրագրերն այդ քողի տակ առաջ տանել,- ասաց Լևոն Հովսեփյանը:
Թուրքիան Մերձավոր Արևելքում փորձում է որոշումներ կայացնողի դերը ստանձնել ու դառնալ տարածաշրջանում որոշիչ գործոն: Այդ նպատակով էլ Լիբիայի ու Սիրիայի քաղաքական իրավիճակների վերաբերյալ ֆորումներ էին կազմակերպվում Թուրքիայում:
–Թուրքիայի ոչ բոլոր քայլերը կարելի է հաջողված համարել: Սիրիայի և ապստամբների միջև միջնորդի և խաղաղարի, իսրայելա – պաղեստինական հակամարտությունում միջնորդի դեր ստանձնելու Թուրքիայի բոլոր փորձերը ձախողվեցին,- ասաց «Նորավանք» գիտահետազոտական կենտրոնի գիտաշխատող, արաբագետ Արաքս Փաշայանը:
Տարածաշրջանում ոչ բոլոր երկրներին է ձեռնտու Թուրքիայի քաղաքական դերի մեծացումը: Իրանը, Սիրիան և Եվրամիությունը հանդիսանում են Թուրքիայի համար զսպիչ օղակներ: Նույնիսկ Արաբական Միացյալ Էմիրություններն ու Քաթարը, որոնք կողմ են Թուրքիայի՝ Սիրիայի դեմ վարած քաղաքականությանը, դեմ են Թուրքիայի դերի մեծացմանը տարածաշրջանում:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
