Կփորձենք ռևանշի հասնել. Սարգիս Հովսեփյան

Կփորձենք ռևանշի հասնել: Այս մասին Լուրեր.com-ի թղթակցի փոխանցմամբ Չեմպիոնների լիգայի որակավորման երկրորդ փուլում «Մոլդեի» դեմ պատասխան խաղից առաջ լրագրողների հետ զրույցում նշեց Երևանի «Փյունիկի» գլխավոր մարզիչ Սարգիս Հովսեփյանը:

«0:5 հաշվով պարտությունից հետո դժվար էր, սակայն տղաներին ասել եմ, որ կյանքը սրանով չի ավարտվում: Չեմ հիշում որևէ ակումբ, որը խոշոր հաշվով պարտված չլինի: Ամեն ինչ անում ենք որքան հնարավոր է շուտ մոռանանք այդ խաղը: Կփորձենք ռևանշի գալ և ապացուցել, որ «Փյունիկի» խաղացողները համապատասխանում են մեր հավաքականին: Մեր խնդիրը ռևանշն է: Ընդամենը մեկ- երկու խաղ էր, որը նրանց մոտ չստացվեց: 

Ակնհայտը կստեմ, եթե ասեմ, որ 6:0 հաշվով կհաղթենք ու դուրս կգանք հաջորդ փուլ, չնայած որ, սա ֆուտբոլ է: Սակայն, եթե լավ խաղանք և հաղթանակի հասնենք, դա վստահություն կբերի թիմին:

Ինձ համար ամենամեծ շարժառիթը, որ թիմը հաղթի և  լավ տրամադրություն և վստահություն լինի, քանի որ տասը օրից սկսում է մեր առաջնությունը: Պատասխան խաղում կազմում փոփոխություններ կլինեն»:

Անդրադառնալով Սեզար Ռոմերոյին մարզիչը նշեց, որ Սեզար Ռոմերոն կհեռանա` թիմը  նրա հետ պայմանագիրը երկարեցնելու ցանկություն չունի, և նա էլ ուզում է հեռանալ: