«Իրավունք». Ինչու դեռևս հայտնի չեն Վալերի Օսիպյանի եղբորորդու գործով վերջին փորձաքննության արդյունքները
Հայկական Մամուլ
«Իրավունք» թերթը գրում է.
«Անցյալ տարի հունիսի 1-ին Նուբարաշենում տեղի ունեցած դանակահարության մեջ մեղադրվող Երևանի փոխոստիկանապետի երղբորորդու' Սեդրակ Օսիպյանի գործով վերջին փորձաքննության արդյունքները դեռևս հայտնի չեն: «Չնայած արդեն մոտ երեք ամիս է անցել»,- ասաց Ս. Օսիպյանի փաստաբան Կրոմվել Գրիգորյանը:
Թե ինչն է պատճառը, որ սույն գործով նախաքննությունն այսչափ հետաձգվում է, փաստաբանը հետեւյալ պատճառաբանությունը ներկայացրեց. «Մեր գործով զբաղվող քննիչը նաեւ Պերմյակովի գործով է քննիչ: Կարծում եմ՝ հիմա բոլորը դրանով են զբաղված, եւ դա է պատճառը, որ մեր գործը, այսպես ասած, անուշադրության է մատնվել»:
Լավ, ասենք, պատճառը Պերմյակովի գործն է: Բայց չէ՞ որ մինչ այս տարեսկիզբ դա չկար, ի՞նչ էին երկար ամիսներ քննում: Մի խոսքով՝ սպասենք, որ մի երեք տարուց այս գործը վերջակետին կհասնի: Միայն թե, երբ նման պատմությունների մեջ են հայտնվում ավելի «հասարակ մահկանացուները», ոչ մի բան չի խանգարում նրանց արագորեն պատժելուն»:
Առավել մանրամասն՝ թերթի այսօրվա համարում
ՈՒՂԻՂ ԵԹԵՐ
Ամենադիտված 
Երևանում շուրջ 20 անձ դաժանաբար ծեծել է 2 քննիչի. Մանրամասներ
