Ադրբեջանում 12 ժամում ինքնասպանության 4 դեպք է գրանցվել

Ադրբեջանում օգոստոսի 22-ին 12 ժամվա ընթացքում ինքնասպանությն 4 դեպք է գրանցվել:

Ինչպես հաղորդում է «Արմենպրես»-ը, այս մասին հայտնում է faktxeber.com լրատվական կայքը:

Ադրբեջանի Սաաթլըի շրջանի ոստիկանական բաժանմունքի տեղեկության համաձայն' գիշերվա ժամերին շրջանի Գըրաղլը գյուղի 24-ամյա բնակիչ Միրվասիֆ Հաշիմովը կախվելով ինքնասպանություն է գործել:

Իսմայիլլիի շրջանի Իվանովկա գյուղի 32-ամյա բնակիչ Վալերի Տուրիշչեւը կախվել է սեփական տան բակում գտնվող ավտոտնակում:

Սաբիրաբադի շրջանի Ենիքենդ գյուղի 25-ամյա բնակիչ Ջաբբար Ջաբբարովը կախվել է կիսակառույց տան տանիքում: Կախված վիճակում նրա դիակը հայտնաբերել են հարազատները:

Իսմայիլիի շրջանի Հաջըհաթամլի գյուղի 59-ամյա բնակիչ Ֆիզուլի Ռուստամովը օգոստոսի 20-ին դուրս է եկել տանից եւ չի վերադարձել: Իրավապահները օգոստոսի 22-իննրա մարմինը հայտնաբերել են գյուղի տարածքում գտնվող Աշըղբայրամլը լճում: Նա գրություն է թողել իր մահվան մեջ որեւէ մեկին չմեղադրելու մասին:

Ադրբեջանի իշխանությունները երկրում ինքնասպանությունների պաշտոնական վիճակագրություն չեն հրապարակում, սակայն, ադրբեջանական ԶԼՄ-ների համաձայն' 2015 թվականի սկզբից մինչ այժմ այդ երկրում ինքնասպանության 127 դեպք է գրանցվել, որոնցից 8-ը գործել են անչափահասները, 5 մարդ էլ կյանքին վերջ է դրել ինքնահրկիզմամամբ:

2014 թվականին Ադրբեջանում ինքնասպանության 240 դեպք է տեղի ունեցել, որոնցից 16-ը գործել են անչափահասներըլ:14 ինքնասպանության դեպք էլ գրանցվել է Ադրբեջանի զինված ուժերում:

Ադրբեջանում 2010 թվականին ինքնասպանություն է գործել 51 անչափահաս, 2011 թվականին' 28, 2012 թվականին' 60, 2013 թվականին' 71, 2014 թվականին' 50 անչափահաս:

Ադրբեջանում 2014 թվականի ընթացքում ինքնահրկիզման են դիմել 13 քաղաքացիներ, որոնցից 7-ը' ղարաբաղյան պատերազմի հաշմանդամներ: Նրանք այդ քայլին են դիմել իշխանություններից կողմից իրենց իրավունքները խախտելու, կաշառքի պահանջի եւ այլ պատճառներով: