ԼՂ-ում հրադադարի հիմքը 1994 և 1995 թվականների համաձայնագրերն են. ՌԴ ԱԳՆ
Քաղաքական
Լեռնային Ղարաբաղում հրադադարի վերաբերյալ 1994 և 1995 թվականների համաձայնագրերը մնում են հակամարտության գոտում զինադադարի հիմքը: Այս մասին հայտնել են ՌԴ ԱԳ նախարարությունում:
«Լեռնային Ղարաբաղի շուրջ իրադրության զարգացման համատեքստում ռուսական կողմը հաստատակամորեն ելնում է նրանից, որ հրադադարի վերաբերյալ 1994 թվականի համաձայնագիրը, ինչպես նաև դրա զարգացումը հանդիսացող Լեռնային Ղարաբաղի հակամարտության գոտում զինադադարի մասին 1995 թվականի համաձայնագիրն անժամկետ բնույթ են կրում և առաջվա պես կազմում են հակամարտության գոտում զինադադարի հիմքը»,- ասված է ՌԴ ԱԳ նախարարության տեղեկատվության և մամուլի դեպարտամենտի մեկնաբանության մեջ:
Դրանում նշվում է, որ այդ սկզբունքային դիրքորոշումը շարադրված էր ԵԱՀԿ-ում Ռուսաստանի Դաշնության մշտական ներկայացուցչության նոտայում, որն ապրիլի 12-ին ուղարկվել է ԵԱՀԿ-ում Ադրբեջանի մշտական ներկայացուցչությանը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
