Ցեղասպանությունները կանխարգելելու համար ոչինչ չանելը շատ վտանգավոր է. Էնդրյու Վուլֆորդ
Հայաստան
Ցեղասպանությունը մարդկության դեմ հանցագործություն է, և նման ոճրագործությունները կանխարգելելու համար լուրջ քայլեր են հարկավոր: «Ընդդեմ ցեղասպանության հանցագործության» երկրորդ գլոբալ ֆորումի ընթացքում այս մասին ասաց Ցեղասպանագետների միջազգային ասոցացիայի նախագահ Էնդրյու Վուլֆորդը: «Իրականում գիտնականներն այս ուղղությամբ լուրջ քայլեր ձեռնարկում են, սակայն դա բավական չէ: Ցեղասպանությունների կանխարգելման համար պետությունները պետք է քաղաքական կամք դրսևորեն»,- նշեց Վուլֆորդը:
Նա հավելեց, որ ցեղասպանությունների կանխարգելման ուղղությամբ ոչինչ չանելը շատ վտանգավոր է և կարող է ծառայել նման ոճրագործությունների կրկնության համար: «Սա պետք է գիտակցեն բոլորը, որ այս ուղղությամբ ոչինչ չանելը շատ վտանգավոր է: Հարկավոր է քաղաքական կամք դրսևորել և էական քայլեր ձեռնարկել ցեղասպանությունների կանխարգելման համար»,- ասաց նա:
Ցեղասպանագետների միջազգային ասոցիացիայի նախագահն ուրախությամբ նշեց, որ «Ընդդեմ ցեղասպանության հանցագործության» երկրորդ գլոբալ համաժողովը լավ հարթակ է ցեղասպանությունների կանխարգելման համար անհրաժեշտ քայլերը քննարկելու համար: «Այստեղ հավաքված են շատ գիտնականներ, և ցանկալի է լսել, թե նրանք ինչ մտքեր ու գաղափարներ ունեն»,- եզրափակեց Վուլֆորդը:
ՈՒՂԻՂ ԵԹԵՐ
Ամենադիտված 
Երբ կմեկնարկի փետրվար ամսվա կենսաթոշակների վճարումը
