Ուկրաինայի հայաշատ քաղաքներում անցկացվել են Հայոց ցեղասպանությանը նվիրված արարողություններ

Ուկրաինայի հայաշատ բոլոր քաղաքներում ապրիլի 24-ին տեղի են ունեցել Հայոց ցեղասպանության 101-րդ տարելիցին նվիրված արարողություններ, որոնց մասնակցել են հայ համայնքի ու Ուկրաինայում Հայաստանի դեսպանության ներկայացուցիչները:

Ինչպես հաղորդում է AnalitikaUA.net-ը, Ուկարինայի հայերի միության հատուկ կոմիտեին հաջողվել է իրականացնել նախատեսված բոլոր թեմատիկ միջոցառումները. կոնֆերանսներ, ֆորումներ, կլոր-սեղան քննարկումներ, ցուցահանդեսներ, ֆլեշմոբեր և այլն: Նաև բազմաթիվ քաղաքների փողոցներում տեղադրվել են վահանակներ, բիլբորդեր և սիթիլայթեր:

Ուկրաինայի հայկական եկեղեցիներում մատուցվել է պատարագ: