Ֆրանսիայում վերականգնում են Աբել Հանսի «Նապոլեոն» ֆիլմը

Աշխարհում խոշորագույն կինոարխիվում՝ ֆրանսիական Սինեմատիկայում, վերականգնելու են ֆրանսիացի կինոռեժիսոր Աբել Հանսի «Նապոլեոն» ժապավենը՝ համր կինեմատոգրաֆի ճանաչված գլուխգործոցը: Ինչպես ՏԱՍՍ-ին հայտնել են նախագծի մասնակիցները, վերականգնված կինոնկարի պրեմիերան կկայանա 2017 թվականին ֆիլմի՝ ֆրանսիական Էկրան բարձրանալու 90-րդ տարեդարձին, տեղեկացնում է «Արմենպրես»-ը:

Ֆրանսիացի կինոռեժիսորը, որը համարվում Է ժամանակակից կինորավեստի հիմնադիրներից մեկը, սկզբնապես իր ֆիլմը մտահղացել Էր որպես վեց կինոնկարից բաղկացած վիթխարի հերոսապատում: Հեղինակի մտահղացման եւ կինոնկարի ստեղծման ընթացքի մասին պատմում Է ցուցահանդեսը, որն այժմ ծավալված Է Կորսիկայում՝ Ֆրանսիայի կայսեր հայրենիքում, Նապոլեոնի թանգարանում:

ԿինոԷպոսի նկարահանումներն սկսվել Էին Կորսիկայում 1925 թվականին: Դրանք ընդհատվել Էին ֆինանսական դժվարությունների պատճառով: Հանսը հարկադրված Է եղել համակերպվել նախագծի նոր՝ անհամեմատ ավելի համեստ մասշտաբների հետ: Այդուհանդերձ, իր տեխնիկական նորարարություններով փորձարարական ժապավենը՝ պատմության մեջ առաջին համայնապատկերային կինոյի փորձը՝ երեք խցիկների միաժամանակյա օգտագործմամբ, առաջ Էր անցել ժամանակից:

Վարպետը պրեմիերայից հետո չի դադարել կատարելագործել իր կինոնկարը: Արդյունքում այն գոյություն ունի երկու տասնյակ տարբերակներով:

Ֆիլմի վերականգնմանը, ֆրանսիական Սինեմատիկայի հետ միասին, մասնակցում Է Ֆրենսիս Ֆորդ Կոպոլան: «Կնքահայրը» ամերիկյան կինոԷպոսի ստեղծողին են այսօր պատկանում Ֆրանսիայի սահմաններից դուրս Հանսի ժապավենի տարածման իրավունքները, որը կինոկլասիկա Է դարձել: