Ճապոնական «Ակացուկի» զոնդն սկսել է ընդգրկուն տեղեկատվություն հավաքել Վեներայի մասին
Գիտություն և Մշակույթ
Ճապոնական «Ակակուցի» ուղեծրային զոնդը, որը հայտնի Է նաեւ որպես PLANET-C ծրագիր, սկսել Է Վեներայի մասին տեղեկատվության լայնածավալ հավաքումը: Այդ մասին, ինչպես տեղեկացնում Է «Արմենպրես»-ը, գրել Է «Սանկեյ» թերթը՝ վկայակոչելով Ճապոնիայի JAXA տիեզերական գործակալության տվյալները:
Ապրիլի 28-ին զոնդում տեղակայված վեց չափիչ սարքերից հինգն սկսել են նախատեսված ռեժիմով աշխատանքը: Դրանցից վերջինը կսկսի գործել ընթացիկ տարվա ամռանն այն բանից հետո, երբ տիեզերական գործակալության մասնագետները կկանոնավորեն դրա սնուցման համակարգը:
Գիտնականների գնահատումներով՝ զոնդի վառելիքը կբավականացնի հինգ տարի գործելու համար: Այն Էլիպսային հետագծով շարժվում Է Վեներայի շուրջը՝ մոտենալով նրան շուրջ 500 կիլոմետր հեռավորության վրա:
Ենթադրվում Է, որ ապարատը պետք Է տվյալներ ստանա մոլորակի կլիմայական պայմանների, դրա մակերեւույթի հատկությունների, Վեներայի ամպերի բնութագրերի մասին, որոնց թվում կան ծծմբաթթվի կաթիլներից բաղկացած ամպեր, հաղորդել Է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Վենսը Բաքվում կատակել է Մեհրիբան Ալիևայի մասին
