Լոնդոնի քաղաքապետ է դարձել մուսուլման գործիչ Սադիք Խանը
Հասարակություն
Լոնդոնի քաղաքապետ է ընտրվել լեյբորիստ գործիչ Սադիք Խանը, ով այդպիսով պատմության մեջ մտավ որպես Միացյալ Թագավորության մայրաքաղաքի առաջին մահմեդական քաղաքապետ: Ինչպես հաղորդում է «Արմենպրես»-ը, այս մասին տեղեկացնում է «ՌԻԱ Նովոստի»-ն:
Քվեարկության արդյունքում Հանը ստացել է ձայների 44 տոկոսը, իսկ նրա հիմնական մրցակից, արիստոկրատ և մուլտիմիլիոնատեր Զակ Գոլդսմիթը' 35 տոկոս:
Լոնդոնի 46-ամյա քաղաքապետը ծագումով պակիստանից է: Հայրը 25 տարի աշխատել է որպես ավտոբուսի վարորդ: Ժամանակին Հանի տատն ու պապը Հնդկաստանից գնացել են Պակիստան, իսկ նրա ծնողները Պակիստանից մեկնել են Մեծ Բրիտանիա: Ընտանիքը 8 երեխաներով բնակվել է անապահովների համար նախատեսված բնակարարում: Մասնագիտությամբ Խանն իրավաբան է' մասնագիտացած մարդու իրավունքների ոլորտում:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
