Մի՞թե լավ բանն արժի թաքցնել…
Վերլուծական
Եթե հավատանք մամուլի հրապարակումներին՝ արդեն հայտնի է ևս մեկ ստեղծվելիք կուսակցության անունը: Խոսքս հերթական կուսակցությունից՝ ԲՀԿ-ից վերջերս դուրս եկած Վահան Բաբայանի կողմից պլանավորվող, բայց դեռ չստեղծված կուսակցության մասին է, որը կկոչվի «Ռեֆորմիստների կուսակցություն»: Սա Վահան Բաբայանի 5-րդ, սակայն միգուցե վերջին կուսակցությունը կլինի, քանի որ սա արդեն իրենն է լինելու, հետևաբար դժվար թե հետագայում ինքն իր կուսակցությունից դուրս գալու ցանկություն ունենա: Անունն էլ, ինչպես տեսնում եք, խոստումնալից է. ռեֆորմիստները բարեփոխումներ անողներն են, այն մարդիկ, ովքեր կկարողանան փոխել մեր կյանքը դեպի լավը՝ ոչ թե հեղափոխության, հեղաշրջման, ցանցումների ճանապարհով, այլ առանց ցնցումների, ռեֆորմների միջոցով: Սրա կարիքն իրոք որ կա, պարզապես մեկ հարց է, որ բաց է մնում՝ իսկ ովքե՞ր են այդ ռեֆորմիստները, ովքե՞ր են, որ կարողանալու են փոխել մեր կյանքը, ովքե՞ր կբերեն մեր փրկությունը: Ահա այստեղ էլ տիրում է լռությունը…
Մամուլում գրվում է, թե կուսակցության մեջ էլի ԲՀԿ-ից դուրս եկած անձինք են լինելու, սակայն նույն մամուլում ասվում է, որ առ այսօր դեռ ԲՀԿ-ից ոչ մի դուրս եկած չի խոստովանել, որ մտնելու է նոր կուսակցություն: Հետաքրքիր է՝ ո՞րն է պատճառը, ամաչու՞մ են…
Բայց ինչի՞ համար պիտի ամաչեն, եթե խոսքը մի քաղաքական նոր ուժի մասին է, որը բարեփոխումներ է անելու մեր երկրում: Մի՞թե լավ բանն արժի թաքցնել…
Հույս ունեմ՝ մոտ ապագայում նոր ստեղծվելիք կուսակցության անդամներն իրենք կհայտնեն այդ մասին, որպեսզի մենք էլ տեսնենք, որ գործ ենք ունենալու նորմալ և առողջ քաղաքական ուժի հետ, այլ ոչ թե հերթական մարդ-կուսակցության, քանի որ այսօրվա դրությամբ գիտենք միայն Վահան Բաբայանին:
Կարեն Վարդանյան
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
