Հայ-թուրքական արձանագրությունները այսօր դարձան երկու տարեկան

Այսօր <<Հենարան>> ակումբում տեղի ունեցած մամլո ասուլիսի շրջանակներում ամփոփվեց  հայ-թուրքական արձանագրությունների ստորագրման երկամյակը: ԵՊՀ արևելագիտության ֆակուլտետի փոխդեկան, թուրքագետ Ռուբեն Մելքոնյանի կարծիքով. <<2009 թվականին ստորագրված հայ-թուրքական արձանագրություններն ուղղված էին այս երկրների դիվանագիտական հարաբերությունների հաստատմանը, սակայն այդ արդիական խնդրի լուծումը Թուրքիան, ըստ էության, տապալեց>>:Ռ. Մելքոնյանի համոզմամբ` դիվանագիտությունը այպիսի բան է, որի ոչ միայն վերջն, այլ ընթացքը նույնպես արդյունք է: Այսօր թուրքական դիվանագիտությունը ողջ աշխարհի համար դարձել է ոչ կոնստրուկտիվ և անպատասխանատու: Բավական է հիշել, որ աշխարհի գերտերություններն, ինչպիսիք են ԱՄՆ, Ֆրանսիա, Ռուսաստան, ուղղակի կամ անուղղակի, կոպիտ, թե նրբորեն, նշել են Թուրքիայի այդպիսի քաղաքականության մասին: Բացի այդ Թուրքիայի հայտնի լոզունգը, <<Զրո խնդիրներ հարևան երկրների հետ>>, հօդս ցնդեց: Այսօր Թուրքիան բացարձակ պատերազմական հայտարարություններ է անում Սիրիային ու Կիպրրոսին, հետո՝  լարված են նիա հարաբերությունները նաև Ադրբեջանի հետ: Չմոռանանք նշել նաև Վիկիլիքսյան հայտարարությունները:

Թուրքական քարոզչամեքենան սկսեց տարածել այն գաղափարը, թե արձանագրությունների ստորագրումը իրականում չեզոքացնում է ցեղասպանության ճանաչման միջազգային գործընթացը: Շատ դժվար էր հանրությանը հակառակն ապացուցելը: Բայց Հայաստանի հետագա քայլերը դա ապացուցեցին: <<Վառ օրինակ է Սերժ Սարգսյանի ելույթը Տեր-Զորում, որըմինչ նայժմ մեր բոլոր ղեկավարների ելույթներից ամենառադիկալն էր>>.նշեց թուրքագետը: