Դեմոգրաֆիական լուրջ խնդիրներ արդեն կան

Հոկտեմբերի 3-7-ը ԵԽԽՎ լիագումար նիստին քննարկման է դրվելու բժիշկներին երեխայի սեռը ծնողներին տեղեկացնելը արգելող նախագիծը: Տարածաշրջանում` Ադրբեջանում, Վրաստանում, Հայաստանում ավելի ու ավելի ծնողներ նախընտրությունը տալիս են տղա երեխաներին, ինչի պատճառով էլ շատացել են հղիության արհեստական ընդհատումների դեպքերը: Այդ պատճառով էլ այս օրինագծի ընդունումն ու կիրառումը անհրաժեշտ է դարձել Հայաստանում: <<Եթե օրենքն ընդունվի, կաշառակերությունը բժիշկների շրջանում կմեծանա>>, երեկ լրագրողների հետ հանդիպման ժամանակ ասաց Բժշկական գիտությունների թեկնածու, գինեկոլոգ Մարինե Ոսկանյանը: <<Քանի դեռ ծրագրերը մնում են թղթի վրա, ոչինչ չի փոխվի: 2004 - 2010 թվականների Կանանց առողջության բարելավման ծրագրի նախագահը ես եմ եղել, նախագահն այդ ծրագիրը ստորգարեց, բայց այդպես էլ ոչինչ չկիրառվեց. քանի դեռ օրենքը մնում է թղթի վրա,ամեն ինչ նույնը կմնա>>,- ասաց Սոցապ նախկին փոխնախարար Կարինե Հակոբյանը: Բանախոսները  անցանկալի հղիությունից խուսափելու միջոցների մասին տեղեկացված չլինելու հիմնական պատճառը պայմանավորում են օրենքով չկարգավորված լինելու և կրթվածության պակասով:  Բանախոսները համոզված են, որ միայն օրենքի ընդունումով ոչինչ չի փոխի. ըստ նրանց` օրենքն ընդունելուց բացի պետք է կիրառել, եթե չենք ուզում հետագայում դեմոգրաֆիական ավելի լուրջ խնդիրների առաջ կանգնել: