ՀՀ 10 համայքներում ՏԻՄ ընտրություններ են

Արագածոտնի, Արարատի, Արմավիրի, Գեղարքունիքի, Կոտայքի, Շիրակի և Սյունիքի մարզերի 10 համայնքներում: փետրվարի 12-ին տեղական ինքնակառավարման մարմինների ընտրություններ են, որոնց կմասնակցի համայնքի ղեկավարի՝ 13, ավագանու անդամի 21 թեկնածու։

Համայքնի ղեկավարի ընտրություններ են կայան Կոտայքի մարզի Նուռնուս, Շիրակի մարզի Արեվիկ, Արարատի մարզի Նոյակերտ, Արագածոտնի մարզի Վերին Բազմաբերդ, Արմավիրի մարզի Վարդանաշեն, Շիրակի մարզի Ախուրիկ և Սյունիքի մարզի Վարդավանք համայնքներում, ավագանու անդամի ընտրություններ՝ Գեղարքունիքի մարզի Դարանակ, Արծվանիստ և Սեմյոնովկա համայնքներում։

ՏԻՄ ընտրություններին համայնքի ղեկավար ընտրող 7 համայնքներից 2-ում քվեարկվելու է 1 թեկնածու, 4-ում' 2 թեկնածու և մեկ համայնքում' 3 թեկնածու:

Փետրվարի 12-ի տեղական ինքնակառավարման մարմինների ընտրությունների ժամանակ դիտորդական առաքելություն իրականացնելու նպատակով սահմանված ժամկետում ՀՀ կենտրոնական ընտրական հանձնաժողովում հավատարմագրվել է 6 տեղական հասարակական կազմակերպության թվով 23 դիտորդ»:

Համայնքներից 2-ում' Գեղարքունիքի մարզի Սեմյոնովկա և Արմավիրի մարզի Վարդանաշեն համայնքներում, փորձարկվելու են 2017 թվականի ապրիլի 2-ի ԱԺ հերթական ընտրությունների ժամանակ տեղամասային ընտրական հանձնաժողովներին տրամադրվելիք ընտրողների էլեկտրոնային գրանցում իրականացնող տեխնիկական սարքավորումները: