Ղազախստանի հավաքականի մարզիչը՝ Հայաստանի դեմ խաղի մասին

Ղազախստանի ազգային ընտրանու գլխավոր մարզիչ Ալեքսանդր Բորոդյուկը անդրադարձել է Կիպրոսի ընտրանու դեմ ընկերական խաղին և Հայաստանի ազգային հավաքականի դեմ ԱԱ 2018թ-ի հանդիպմանը:

«Կիպրոսի դեմ հետաքրքիր խաղ է սպասվում: Միակ բանը, որ ցանկանում եմ վնասվածքներից խուսափելն է: Հատկապես Հայաստանի հավաքականի դեմ կարևոր խաղից առաջ: Իհարկե մեր գլխավոր նպատակը Հայաստանի դեմ խաղն է: Ընկերական խաղում կցանկանայի կատարել 10 փոխարինում, որպեսզի խաղալու հնարավորություն ստանան բոլորը, սակայն իրավունք ունեմ փոխարինել միայն վեցին: Կիպրոսի և Հայաստանի դեմ խաղերին կմասնակցեն ոչ բոլորը: Կիպրոսի և Հայաստանի հավաքականները միմյանց նման են: Բայց կնախընտրեի առաջինը պաշտոնական խաղ անցկացնեինք, հետո նոր ընկերական, հնարավորություն կունենային մյուս տղաներին էլ տեսնել դաշտում: Այդ պատճառով էլ կցանկանայի, որ Կիպրոսի դեմ խաղում վնասվածքներ չլինեին և բոլոր տղաները Երևան մեկնելուց առաջ մարտական պատրաստված լինեն:

Մրցակիցը տեխնիկապես պատրաստված թիմ է, որը ցուցադրում է ժամանակակից ֆուտբոլ: Խաղից առաջ մանրամասն կուսումնասիրենք մրցակցին»:

Ղազախստանի հավաքականը Հայաստանի  դեմ հանդիպումը կանցկացնի  մարտի 26-ին, իսկ Կիրպոսի դեմ կխաղա այսօր: