Խորեն Բայրամյանը`«Մանչեսթեր Յունայթեդ»-ի դեմ խաղի և Հենրիխ Մխիթարյանի հետ ծանոթության մասին

«Ռոստովի» կիսապաշտպան Խորեն Բայրամյանը անդրադարձել է Եվրոպայի լիգայում «Մանչեսթեր Յունայթեդ»-ի դեմ խաղերին և խոսել Հենրիխ Մխիթարյանի հետ ծանոթության մասին:

«Շատ ուրախ եմ որ նորամուտս նշեցի Եվրոպայի լիգայում, առավել ևս նման  մեծագույն մարզադաշտում և մեծագույն ֆուտբոլիստների դեմ խաղում: Էմոցիաները անհավանական են: Շնորհակալ եմ Կուրբան Բերդիևին և ողջ մարզչական շտաբին ինձ նման հնարավորություն տալու համար: Ցավալի է, որ  պարտվեցինք «Մանչեսթեր Յունայթեդ»-ին և դուրս չեկանք քառորդ եզրափակիչ: Պետք է հետևություններ անել և շարունակել աշխատել:

«Օլդ Տրաֆորդում» խաղը ներկայումս ինձ համար ոչնչի հետ չի համեմատվի: Դա լավագույն բանն է, ինչը տեսել եմ ֆուտբոլում: Երազանք էր, որը կատարվեց. խաղալ այդ դաշտում համաշխարհային աստղերի դեմ:

Հենրիխ Մխիթարյանի հետ ծանոթացանք թիմերի միջև առաջին խաղում` Ռոստովում, բայց քիչ շփվեցինք: Խոսում էինք հայերեն լեզվով, մոտեցա նրան և հորցրի, թե ինչպես են գործերը: Միմյանց հաջողություն մաղթեցինք, նման զրույց ունենցանք նաև պատասխան խաղից առաջ: Մարկո Դևիչը, ով Մխիթարյանին ճանաչում է «Շախտյոր»-ում միասին հանդես գալու շրջանից, առաջին խաղում ինձ համար Հենրիխի մարզաշապիկ էր բերել»: