Մեսսին` Կլասիկոյի ռեկորդակիր

Իսպանիայի առաջնության 33-րդ տուրում Մադրիդի «Ռեալ»-ի դեմ հանդիպմանը կատալոնյան «Բարսելոնա»-ի առաջատար Լիոնել Մեսսին դարձել է դուբլի հեղինակ:

Արդյունքում Իսպանիայի առաջնության շրջանակներում տեղի ունեցած Կլասիկոներում գոլերի քանակով Մեսսին դարձավ ռեկորդակիր և գերազանցեց լեգենդար Ալֆրեդո Դի Ստեֆանոյին: Մեսսին իր գոլերի քանակը հասցրեց 16-ի, Դի Ստեֆանոյի ակտիվում կա 14 գոլ:

Նշենք, որ Կլասիկոներում (բոլոր մրցաշարերում) արգենտինացին դարձել է 22 գոլի հեղինակ և այս ցուցանիշով կրկին առաջատար է: Այս մասին գրում է Opta-ն:

Նշենք, որ հանդիպումն ավարտվել է կատալոնացիների հաղթանակով՝ 3:2 հաշվով: Այս խաղում Մեսսիի խփած երկրորդ գոլը 500-րդն էր կատալոնայն թիմի կազմում: