Ջրառատի գործի հետ կապված օրինականությունը կպահպանվի բարձր մակարդակով. Աղվան Հովսեփյան

ՀՀ ազգային ժողովի 2017 թվականի ընտրությունների նախընտրական քարոզարշավի ընթացքում Արմավիրի մարզի Ջրառատ համայնքում տեղի ունեցած զինված միջադեպի գործի հետ կապված օրինականությունը կպահպանվի բարձր մակարդակով: Այս մասին լրագրողների հետ հանդիպմանն ասաց ՀՀ քննչական կոմիտեի նախագահ Աղվան Հովսեփյանը: «Կայացված բոլոր որոշումները կլինեն օրինական եւ հիմնավորված: Մոտ օրերս դուք կտեսնեք»,-ասաց նա:

2017 թվականի մարտի 14-ին ՀՀ Արմավիրի մարզի Ջրառատ գյուղում ժամը 13։30-14:00-ի սահմաններում գյուղապետարանի մոտ տեղի է ունեցել ծեծկռտուք հրազենի, դանակի ու երկաթյա ձողերի կիրառմամբ, ինչի հետևանքով գյուղի բնակիչ հանդիսացող ՕՐՕ դաշինքի երեք համակիր տեղափոխվել են Երևանի Էրեբունի բժշկական կենտրոն, մեկ հոգի՝ Վաղարշապատի հիվանդանոց: