Շառն Ազնավուրի Հայաստանի մասին արված հայտարարության մասին

Nouvelles dArménie-ին տված իր հարցազրույցում Շառլ Ազնավուրը խոսել է Հայաստանի գլխավոր խնդիրների մասին, ասելով, որ երկիրը գտնվում է մաֆիոզ  կառույցների ձեռքում, իսկ երկրից արտագաղթի թիվն ահագնացող չափերով ավելի ու ավելի է մեծանում:

Արդյոք Շ. Ազնավուրը, լինելով Հայաստանի դեպսանը Շվեյցարիայում կարող էր նման հայտարարություն անել, դիվանագետ Արման Նավասարդյանը այսօր <<Հայելի>> ակումբում ասուլիսի ժամանակ ասաց.

-Շառլ Ազնավուրը որպես դեսպան չպետք է նման արտահայտություն աներ: Իր արտահայտությունից առաջ կամ հետո նա կամ պետք է հրաժարվեր դեսպանի իր պաշտոնից, կամ էլ նրան շնորհազրկեին:

Քաղաքական վերլուծաբան Երվանդ Բոզոյանը Ազնավուրի այդ հայտարաության  մեջ երկու ` ֆորմալ և ոչ ֆորմալ կողմ է տեսնում: Ըստ նրա, որպես դեսպան Ազնավուրը պետք է խուսափեր նման արտահայտություն հնչեցնելուց, բայց որպես մեծ մտավորական, նա ճշտորեն բնորոշել է Հայաստանի կարևորագույն խնդիրները: Երկու բանախոսներն էլ նշեցին, որ որպես ՀՀ քաղաքացիներ լիովին համաձայն են Ազնավուրի այդ հայտարարության հետ, սակայն որպես դեսպան արված այդ խոսքերը աներկբայորեն սխալ էին:

_ Այս մասին պետք է մտածեին այն մարդիկ, երբ Ազնավուրին, որը մեծագույն շանսոնյե է և պոետ, նշանակեցին Շվեյցարիայում Հայաստանի դեսպան,- նկատեց դիվանագետ Արման Նավասարդյանը:

Շառլ Ազնավուրի այս հայտարարության մեջ Ե. Բոզոյանը շատ կարևոր առավելություն է տեսնում.

_Ազնավուրի և Արամ Առաջինի հայտարարությունները նշանակում են, որ Սփյուռքը սկսել է հասկանալ, որ Ցեղասպանության ճանաչումից զատ, մենք պետք է աշխատենք Հայաստանը զարգացնելու ուղղությամբ, քանի որ միայն ուժեղ պետությունը կարող է Թուրքիայի ստիպել որոշ քայլերի դիմել Ցեղասպանության ճանաչման հարցում:

Բանախոսներն անդրադարձան նաև հայ - թուրքական արձանագրություններին:

- Այդ արձանագրությունները էին Հայաստանի իշխանությունների համար, ինչ մեջ էլ նրանք ընկան,- համոզված է Ե. Բոզոյանը:

Թուրքերը արձանագրությունները շաղկապեցին Արցախյան հակամարտության կարգավորման հարցի հետ և հիմա ասում են, որ Ցեղասպանության մասին մի խոսեք, քանի որ դա վնասելու է հակամարտության կարգավորման գործընթացին:Թե ինչ շրջադարձեր կունենան արձանագրությունների հետ կապված քաղաքական խնդիրները, ցույց կտա ժամանակը: