Ո՞ւմ վրա կբարդվի մեղքը

ԱՄՆ-ի պատմության մեջ հրազենի գործադրմամբ ամենաարյունալի դեպքը գրանցվեց երեկ Լա-Վեգասի Mandalay Bay հյուրանոցի տարածքում։ 64 Ամյա Ստեֆն Փեդոքը, կրակ արձակելով  Route 91  երաժշտական փառատոնի մասնակիցների վրա՝ մահացու վնասվածք հասցրեց 58 հոգու, և ևս 500-ից ավել մարդ հոսպիտալացվեցին։ Դեպքի դրդապատճառները դեռևս հայտնի չեն, սակայն Լաս-Վեգասի ոստիկանությունը աշխատում է այդ ուղղությամբ և արդեն բերման է ենթարկվել Ստեֆն Փեդոքի ընկերուհին։

Հանցագործ միլիոնատիրոջ որդին, ինչ խոսք, լավ հումք է ահաբեկչական ցանկացած խմբավորման համար։ Իսլամական պետություն ահաբեկչական խմբավորումը արդեն ստանձնել է դեպքի պատասխանատվությունը, սակայն չի կարելի հիմնվել ԻՊ-ի հայտարարության վրա, քանի որ դեպքը համապատասխանում է իրենց գաղափարախոսությանն ու գործելաոճին, և եթե անգամ նախաձեռնությունն իրենցը չէ, ապա նրանք պատվով կստանձնեն դրա պատասխանատվությունը։ Բացի այդ էլ, Հետաքննությունների դաշնային բյուրոյի (FBI)  մամլո խոսնակ Ահարոն Ռաուզը լրագրողների հետ զրույցում ասել է, որ ոչ մի ահաբեկչական խմբավորում կապ չունի այս միջադեպի հետ։

Դոնալդ Թրամփի նախագահությամբ ՄԱՆ-ը մշտապես գտնվել է ահաբեկչության վտանգի առաջ։ Եվ նրա հակամուսուլմանական կեցվածքն ակնհայտ էր դեռ նախընտրական քարոզարշավի ժամանակ։ Պաշտոնավարման ընթացքում Թրամփի կեցվածքը չփոխվեց ու անընդհատ ԻՊ-ի նախազգուշական հաղորդագրությունները ի վերջո կարող էին հանգեցնել նման միջադեպի։ ԻՊ-ի և նման ահաբեկչական խմբավրումների գործելաոճին ծանոթ լինելով, աշխարհը ամբողջ մեղավորությունը կգցի Դոնալդ Թրամփի և իր կողմից վարվող քաղաքականության վրա, և այս դեպքը շատ ծանր կանդրադառնա գործող իշխանության վրա։ Հատկանշական է, որ ահաբեկիչը քրիստոնեական կրոնի հետևորդ էր, և եթե անգամ մուսուլմանները չեն ահաբեկչության հեղինակը, ապա միևնույն է նշանոցը պահվելու է Դոնալդ Թրամփի վրա, քանի որ այդ պարագայում արդեն քրիստոնյա հանրության նկատմամբ ամենաթողությունը կդիտարկվի որպես հասունացած ահաբեկչության սպառնալիքի հրարում նախագահի կողմից։

Զենքի ներպետական առևտրի ցուցանիշներով ԱՄՆ-ը գտնվում է առաջին հորիզոնականում, և դա տրամաբանական է, քանի որ ԱՄՆ-ը միակ պետությունն է, որտեղ զենքի առևտուրը ամրագրված է սահմանադրությամբ, և  դա ԱՄՆ-ի սենատը ժողովրդավարության դրսևորում է համարում, ըստ այդմ վերահսկողությունն այս ոլորտում ամենևին էլ չի գտնվում պատշաճ մակարդակի վրա։ Եթե հետաքննությունը հաստատի Ահարոն Ռաուզի խոսքերը, ապա Սենատը նույնպես կհայտնվի քննադատությունների կիզակետում։ Քննադատությունների ամենամեծ ալիքը ո՞ր ուղղությամբ կընթանա, ցույց կտա ժամանակը։ Փաստը մնում է փաստ, որ Ամերիկայի միացյալ նահանգները չի կարողանում ապահովել իր քաղաքացիների անվտանգությունը։ Այս դեպքը իր բացասական ազդեցությունը կթողնի ԱՄՆ-ի թե՛ ներքաղաքական, թե՛ արտաքին քաղաքական իրավիճակի վրա։

Վաչիկ Գրիգորյան