Գյումրիում տնակ է այրվել. կա 1 զոհ

Փրկարարական ծառայություն դեկտեմբերի 12-ին  ահազանգ է ստացվել, որ Գյումրի քաղաքի Շիրակացու փողոցի նախկին կոշիկի գործարանի մոտակայքում այրվում է տնակ:

Ինչպես տեղեկացրին ԱԻՆ տեղեկատվության և հասարակայնության հետ կապի վարչությունից, դեպքի վայր էր մեկնել երկու մարտական հաշվարկ:

Պարզվել է, որ այրվում է Շիրակացի փողոցի թիվ 97 տան մոտակայքում գտնվող ինքնաշեն տնակ (6 քմ):

Հրդեհը մեկուսացվել է ժամը 00:35-ին, մարվել՝ 02:12-ին: Ամբողջությամբ այրվել է տնակը՝ գույքով:

Փրկարարները տնակի ներսում հայտնաբերվել  է 1952 թ. ծնված Գ. Ս.-ի մոխրացած դին: