Հայ և կիպրացի ժողովուրդները դարձել են միևնույն ագրեսորի զոհը. Նիկոս Անաստասիադես

Կիպրոսի նախագահ Նիկոս Անաստասիադեսը հպարտ է Կիպրոսի պետության քաղաքական, հասարակական և տնտեսական կյանքում հայ համայնքի կատարած ներդրմամբ: Ինչպես հաղորդում է ԼՈՒՐԵՐ.com-ը՝ վկայակոչելով Cyprus Mail-ը, նման հայտարարությամբ Անաստասիադեսը հանդես է եկել կղզու հայ համայնքին նվիրված միջոցառման ընթացքում:

Կիպրոսի նախագահը հիշատակել է, որ պատմականորեն երկու ժողովուրդներն էլ դարձել են միևնույն ագրեսորի զոհը, սակայն չեն հանձնվել ու շարունակում են պայքարել, որպեսզի միջազգային մակարդակով հաղթի արդարության մեծ սկզբունքը: