Մխիթարյանը հնարավոր է՝ ձմռանը լքի «Մանչեսթեր Յունայթեդ»-ը

Ինչպես արդեն տեղեկացրել ենք, Հայաստանի հավաքականի ավագ Հենրիխ Մխիթարյանն ու «Մանչեսթեր Յունայթեդ»-ի գլխավոր մարզիչ Ժոզե Մոուրինյուն հանդիպել էին ֆուտբոլիստի ապագայի հարցը քննարկելու համար:

Մամուլում հայտնված տեղեկությունների համաձայն՝ պորտուգալացի մասնագետը ֆուտբոլիստին հայտնել է, որ ձմռանը հնարավոր է նրա տրանսֆերը վաճառվի, կամ էլ Մխիթարյանը վարձավճարով մեկ այլ թիմում հանդես գա:

Corriere dello Sport-ի տեղեկություններով էլ՝ մանչեսթերյան թիմը և «Ինտեր»-ը դիտարկում են Ժոզու Մարիուին և Հենրիխ Մխիթարյանին փոխանակելու տարբերակը:

Եթե տեղափոխությունը կայանա՝ իտալական ակումբն իր ֆուտբոլիստի համար կպահանջի 40-45 մլն եվրո:

Դիտարկվում է նաև ֆուտբոլիստներին կես տարով վարձակալելու տարբերակը:

Այս մրցաշրջանում Մխիթարյանը մանկունիացիների կազմում մասնակցել է 16 խաղի և խփել 2 գոլ: