Ո՞վ է կեղծել Ազիզյանի ձայնը
Քաղաքական
Ինչպես արդեն տեղեկացրել ենք, այսօր շարունակվում է ԱԺ արտահերթ նիստը, որը մեկնարկեց սկանդալով:
Քննարկման դրված` Հայաստանի Հանրապետության դատական օրենսգրքում փոփոխություններ և լրացումներ կատարելու մասին օրենքի նախագծին, ըստ նիստը վարող Արա Բաբլոյանի, «Ծառուկյան» խմբակցության պատգամավոր Նապոլեոն Ազիզյանը կողմ է քվեարկել, թեև դաշինքի մյուս պատգամավորները քվեարկել էին դեմ:
Այս օրենքի նախագծին դեմ քվեարիկեց նաև ԱԺ ԵԼՔ խմբակցությունը: Խմբակցության պատգամավորները բոյկոտեցին արտահերթ նիստը և լքեցին նիստերի դահլիճը:
Րոպեներ անց՝ ԱԺ ամբիոնին մոտեցավ «Ծառուկյան» խմբակցության պատգամավոր Վահե Էնֆիաջյանը և հայտարարեց, որ ԱԺ-ի այս գործելաոճն անընդունելի է իրենք ևս միանում են բոյկոտին:
Պատգամավորն ընթերցեց Նապոլեոն Ազիզյանի դիմումն, ըստ որի, Ազիզյանն այս քվեարկությանը չի մասնակցել:
«Նապոլեոն Ազիզյանը ԱԺ քարտուղարություն է ներկայացրել դիմում և հավաստել, որ չի մասնակցել Հայաստանի Հանրապետության դատական օրենսգրքում փոփոխություններ և լրացումներ կատարելու մասին օրենքի նախագծի քննարկմանը»,- ասաց Էնֆիաջյանը:
Ի պատասխան Էնֆիաջյանի՝ Բաբլոյանը նշեց, որ ինքն առաջանորդվել է ԱԺ կանոնակարգով և հայտարարել է քվեարկության այն արդյունքների մասին, որը ստացվել է Էլեկտրոնային քվեարկության արդյունքում:
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
