«Ծեծկռտուք չի եղել, ուղղակի բարձր վեճ էր»․ Սերգեյ Բագրատյան

«Ծառուկյան» խմբակցության պատգամավոր Սերգեյ Բագրատյանը հերքում է մամուլում տարածված այն տեղեկությունները, թե իր և խմբակցության մեկ այլ պատգամավորի՝ Արթուր Մանուկյանի միջև ծեծկռտուք է տեղի ունեցել։

Այս մասին հայտնում է «Ազատություն» ռադիոկայանը:

«Բարձր վեճ էր ինքը», - պնդեց Բագրատյանը: «Ազատության» հարցին՝ վեճը Արթուր Մանուկյանի՞ հետ էր, ծեծկռտուք եղե՞լ է, հայտարարեց․ - «Չէ, Արթուր Մանուկյանը այդտեղ չի եղել, որ մենք վիճել ենք պատգամավորներով: Որից հետո, որ ես դուրս եկա՝ տեսանք լրագրողներ են լիքը, որպեսզի բան չլիներ՝ անմիջապես Մանուկյան Դավիթին տեսա, մոտեցա իրա սենյակին: Մտել ենք, մի րոպե չի անցել՝ Արթուրի հետ դուրս ենք եկել, ինքը ինձ թևանցուկ արած, զրուցելով եկել ենք: Լրագրողներ են տեսել: Հիմա ենթադրում եմ, որ այդ աղմուկը և Արթուրի՝ ինձ թևանցուկ արած գալը կապել են իրար հետ»:

Մանրամասները՝ «Ազատություն» ռադիոկայանի տեսանյութում: