Մեջլիսում ցանկացել են հարձակվել Գարո Փայլանի վրա
Հայաստան
Թուրքիայի Ազգային մեծ ժողովում հայ պատգամավոր Գարո Փայլանի մասնակցությամբ միջադեպ է գրանցվել: Ինչպես հաղորդում է թուրքական Demokrathaber.net-ը, հայ պատգամավորը իշխող «Արդարություն և զարգացում» կուսակցության պատգամավորի կողմից հարձակման է ենթարկվել:
Վեճը սկսվել է նրանից, որ Փայլանը կոչ է արել ֆինանսների նախարար Նաջի Աղբալային ուսումնասիրել Մեն կղզում բացահայտված օֆշորային սկանդալում Թուրքիայի ղեկավար կազմի ներգրավվածության հարցը:
Իշխող կուսակցության խորհրդարանական խմբակցության ղեկավարի տեղակալ Իլքնուր Ինջեսյոզը դիմել է Փայլանին՝ ասելով. «Դու վերջին մարդն ես, ով կարող է մեզ բարոյականության դասեր տալ: Չնայած ոչ, դա էլ չես կարող լինել: Սա հատկապես ուզում եմ շեշտել, որ այս խորհրդարանում դու անգամ վերջին մարդը չես»:
Ի պատասխան Էրդողանի կուսակցի նման հայտարարության՝ Փայլանը ասել է նրան. «Անբարոյականություն մի արա»:
Հայ պատգամավորի խոսքերից հետո Ինջեսյոզը քայլել է դեպի նա՝ ցանկանալով հարձակվել, սակայն մյուս պատգամավորները միջամտել են և բախում չի եղել:
ՈՒՂԻՂ ԵԹԵՐ
Ամենադիտված 
Պայթյուն՝ Երևանում․ Կան վիրավորներ
